Praza das letras - Dosieres

Un premio nos 25 anos

Sat, 7 Jun 2008 22:12:00 +0000

A Editorial Xerais entregoulleo seu Premio de Novela a Manuel Lourenzo González, o Fundación Caixa Galicia de Literatura Xuvenil a Marilar Aleixandre e o XXIII Premio Merlín de Literatura Infantil a Mar Guerra.

Álvarez Blázquez cobra vida a través da música

Tue, 13 May 2008 14:32:00 +0000

Cada ano xorden iniciativas novas para difundir a obra do homenaxeado o Día da Letras, alén das múltiples edicións e dos discursos oficiais. Estas propostas intentan ir máis aló da lectura da obra e darlle vida en formatos diferentes, como é neste caso a música. O fin é lograr que a literatura abrolle de xeito natural nos actos da vida cotiá, e a escoita de música é un deles. É difícil que alguén non bata esta semana, cando menos, cun poema do escritor na megafonía das rúas da súa vila, na radio, na rede ou nunha sala de teatro.

Quen traduce en Galicia?

Mon, 12 May 2008 14:10:00 +0000

Realízase no presente dossier unha achega ao estado da tradución en Galicia coas voces dos profesionais deste ámbito acompañadas da recente historia editorial que lle dá soporte á pretensión de colocarnos nun lugar mellor no diálogo con outras literaturas.

por Liliana Valado

Ánxel Casal, a biblioteca de Compostela

Thu, 27 Mar 2008 12:25:00 +0000

A nova Biblioteca Pública Ánxel Casal inaugúrase o venres 28 de marzo ás 19.30 horas e responde á necesidade de Santiago de Compostela de contar cun espazo para a lectura axeitado ás necesidades da cidade. Substitúe a antiga Biblioteca Pública, situada na praza de Salvador Parga desde 1955 e que, por superficie, equipamento e desactualización dos seus fondos resultaba insuficiente.

Galicia leva a súa cultura á Habana

Thu, 6 Mar 2008 09:28:00 +0000

Galicia é país convidado de honra na Feira internacional do libro da Habana. É a primeira vez que a cultura galega desempeña un papel protagonista na escena internacional da industria editorial e faino en Cuba.

Cando era tempo de inverno

Fri, 22 Feb 2008 14:00:00 +0000

O 24 de febreiro de 1837 nacía a autora de Cantares gallegos nunha casa do compostelán Camiño Novo, hoxe rúa Rosalía de Castro. A figura fundacional e referente simbólico da literatura galega contemporánea segue a ser hoxe a nosa escritora con máis recoñecemento.

Puntadas alén do esquecemento

Mon, 1 Oct 2007 17:50:00 +0000

Naceu Mar�a de los Dolores Miramontes Matos en Santa Mar�a de Gu�samo (Bergondo, A Coru�a) a cinco anos de que vencese o s�culo XIX. Filla de xornaleiros que se mudan para a Coru�a nos comezos do XX, traballa desde os poucos anos nun obradoiro de costura, aprendendo ao tempo o oficio.

María Mariño

Sat, 5 May 2007 12:54:00 +0000

María Mariño viu editado un libro só, Palabra no tempo, en 1963, cando xa ela pasaba dos 50 anos. Unha das incógnitas unha vida é, alén da precariedade da edición en galego na posguerra, a que alude aos seus comezos na escrita. Segundo a testemuña de Uxío Novoneyra, a poeta empezou a escribir no ano 1957, vivindo en Parada do Courel, primeiro en castelán e logo en galego. Nas dúas décadas que van entre 1946 e 1967 compuxo, con certeza, a obra poética en galego que coñecemos. Mais outras fontes apuntan a posibilidade de que María Mariño escribise desde ben antes, entre eles o grupo de estudosos noieses que nos últimos anos levan feito achegas á súa obra, entre eles Xerardo Agrafoxo, ou recentemente o poeta e narrador Fran Alonso.

Lois Tobío

Mon, 11 Dec 2006 18:10:00 +0000

"Foi fermoso vivir coa ilusión de estar axudando a restaurar a vella casa común, escanastrada por alleos e alleeiros, para despois enriquecela con novas construccións. E agora, vendo con gozo coma sigue a traballar e loitar a xente moza na mesma dirección, a que sinalaran os nosos devanceiros desde o Rexurdimento, paso os anos finais da miña vida, estas últimas décadas, a observar o que pasa ao meu arredor e no mundo, agradecido ao destino por me ter concedido o don, que tantos non acadan, de completar o ciclo da vida", escribiu Lois Tobío.

Manuel Lugrís

Tue, 2 May 2006 11:56:00 +0000

Nace en Sada en 1863 e con vinte anos emigra á Habana. Dende a súa chegada a Cuba, salientará na defensa da lingua galega, significarase como un apaixonado defensor do rexurdimento cultural que alentaron Rosalía, Curros e Pondal, e co tempo sobranceará como un dos máis activos normalizadores da lingua galega do primeiro terzo do século XX.