Praza das letras

Continuando o labor iniciado en volumes coma Teatro e Nacionalismo e Teatro galego 1915-1931 (ambos os dous en Laiovento), esta profesora da Universidade da Coruña desenvolveu o primeiro manual sobre historia do teatro galego anterior a 1936. Alén de ser unha ferramenta de divulgación fundamental da realidade teatral anterior á guerra civil, que permaneceu durante décadas completamente esquecida, este volume destaca tamén polo traballo de documentación, corrección e confirmación dos datos máis escuros sobre a historia do teatro en Galicia.