Praza das letras

Obabakoak é a novela en éuscaro máis coñecida e internacional de Bernardo Atxaga (Guipúscoa, 1951), galardoada co Premio Euskadi, o Premio Nacional de Narrativa, o Premio da Crítica e o Premio Millepages. A tradución de Ramón Nicolás, realizada a partir da versión en castelán do propio autor, reflicte a mestría de Atxaga, a fluidez do seu discurso narrativo e a súa capacidade para definir con precisión psicolóxica o perfil dos seu personaxes.

Cos 26 relatos dos que consta Obabakoak, Atxaga transporta o lector ao territorio atemporal e infantil dos soños e da imaxinación, a partir das súas lembranzas da nenez na pequena vila de Asteasu. A obra foi levada ao cine polo director Montxo Armendáriz.

[presentación editorial]