Praza das letras

Un náufrago adolescente chega exhausto á illa Bocana onde coñece ao seu único habitante, Recaredo Rey, o fareiro amante das estrelas e da melancolía. Con el inicia a longa singradura da amizade sorteando os perigos do mar e dos homes que trafican con homes nun cargueiro que viaxa cara a Guinea. Unha obra de alto mar que deixa un ronsel de amargura pola inocencia que esvaece na escuma. Non en van, Rei Núñez escribe “con imperecedoira melancolía atlántica” e, talvez por iso, a novela comeza sen tregua: “Hoxe enterramos a papá.”

[texto: Rosa Aneiros]