Praza das letras

Granxeiro Leiro daba voltas e máis voltas na cama, pero non podía durmir: esquecera tomar o seu vaso de leite! Ergueuse con idea de ir muxir a vaca, pero aquela era a noite das mudanzas e, cando chegou á corte, atopou...
Este álbum permitirá aos máis pequenos o achegamento aos animais da granxa dunha maneira distinta e divertida. Cunha proposta de texto sinxela pero lúdica e imaxinativa, o álbum apóiase na complicidade da imaxe e na súa intensidade narrativa para provocar nos lectores a curiosidade, a sorpresa e, finalmente, o sorriso. Un libro para adiviñar o que vai pasar, para recordar o que hai detrás de cada páxina, e para descubrir até onde pode chegar a imaxinación exaltada dos animais nunha noite de mudanzas.
A ilustradora checa Lucie Müllerová crea simpáticos personaxes co seu orixinal e particular imaxinario creativo, dando aos animais do conto unha personalidade propia, reforzando o sentido humorístico do texto.

[presentación editorial]