Praza das letras

Este volume, co subtítulo Medios de comunicación en Negreira, A Baña e Brión no século XX, é un estudo único e imprescindíbel para mellor coñecermos a evolución e o funcionamento dos medios de comunicación escritos e radiofónicos nunhas comarcas representativas galegas: as terras de Barcala e A Maía. Para iso, nesta monografía dun historiador e dunha xornalista, analizáronse e describíronse máis de seiscentos números editados, así como o conxunto das emisións dunha radio local, inscribíndoos no seu contexto histórico. Este traballo de investigación resultou merecedor do VI Premio de Ensaio «Manuel Murguía», concedido pola Deputación da Coruña. O limiar é do profesor de Historia Contemporánea da USC, Emilio Grandío Seoane.
[fonte: presentación editorial]