Praza das letras

Con Alfombriña, obra escrita e ilustrada por Cristina Ferreirós, móstranos unha historia en que á súa protagonista non lle gusta que lle digan o que ten que facer, ela quere decidir por si mesma.

Alfombriña é a terceira entrega da colección “Contos da igualdade”, cos que Baía Edicións, a través de relatos orixinais e ilustrados en cor, pretende ir en contra da tendencia de asignar roles estereotipados a nenas e nenos, que condicionan a capacidade de soñar sen límites no propio futuro, de imaxinar un mundo de igualdade entre homes e mulleres.

Anteriormente apareceron: Un día de treboada, de María Mata, e Xela volveuse vampira!!, de Fina Casalderrey, que incluía un dvd coa montaxe de sesións de contacontos que facían máis entretido o achegamento ao contido do relato.

[presentación editorial]