Praza das letras

O terror que provoca a invasión do exército alemán en territorio francés é narrado nesta obra desde o punto de vista dun neno que non entende o que está pasando. Desde os primeiros meses de 1940, a metade de Francia sofre a ocupación das tropas nazis de Hitler. Nese país deixan de ter significado os conceptos de liberdade, de fraternidade ou de igualdade que foran o símbolo dos novos tempos, agora devorados pola persecución dos comunistas, dos xudeus, dos resistentes... Polo exterminio de homes por outros homes. E no medio os ollos inocentes dun neno que nos transmite toda a dureza dunha guerra.