Praza das letras

No peto de ánimas da Leira dos Pintado, en Ponterrubiáns, cinco versos proporcionan unha misteriosa clave. Trátase das pistas que, segundo unha vella lenda, permitirían descubrir o tesouro que un bispo do século XVIII agachara na vila. A desaparición da súa profesora levará a Natalia e Guillerme, compañeiros de instituto -mais non moi amigos, que digamos-, a introducírense no enigma, que se acaba convertendo nunha perigosa aventura en que só contarán coa axuda da súa intuición e intelixencia, ademais dun videoxogo de última xeración.