Praza das letras

No meu armario había un pesadelo. Antes de deitarme, sempre pechaba a porta do armario. Tiña medo de virarme e mirar. Até que unha noite decidín librarme do meu pesadelo para sempre... Este álbum, narrado en primeira persoa, trata directamente o tema do medo infantil. Nun exercicio de fantasía e imaxinación, Mercer Mayer emprega grandes doses de humor e tenrura para abordar algo que aos cativos lles crea tanta inseguridade no momento crucial de apagar a luz e pechar os ollos para durmir.