Edicións Lóstrego
O produto central de Lóstrego é o libro de divulgación, en galego e en formato de peto. O seu catálogo organízase en catro coleccións: O saber de peto, sorte de caixón de xastre do ensaio breve, con temas que viaxan desde a ecoloxía, a música ou o universo até a historia de Galicia; 12 grandes componse de volumes que se achegan a doce figuras senlleiras dun campo específico (12 grandes filósofos é un exemplo); Galicia celta aborda este tema histórico desde cuestións cruciais como a lingua ou a relixión; por último, Ex cathedra é unha serie especializada no ensaio científico de carácter histórico.