Edicións Nigratrea
Froito da fusión das editoriais Nigra (Vigo) e Trea (Xixón), a produción editorial de Nigratrea artéllase arredor de tres coleccións básicas: Libros da Brétema acolle obras de antropoloxía, historia e filosofía, mesturando a recuperación de obras históricas da cultura galega con novas achegas enriquecedoras; Maior, colección de gran formato está pensada para actualizar proxectos relacionados co patrimonio artístico e natural de Galicia; Andaina é unha colección miscelánea na que cabe tanto a publicación turística como o receitario tradicional ou o estudo historiográfico.