Praza das letras

Adentrouse no eido da banda deseñada nos anos 80 como analista e crítico. Como autor de historietas deuse a coñecer no ano 1993 co álbum Impresiones de la isla. Entre outras obras, asinou a segunda etapa de Gorka, comezando un traballo de colaboración co ilustrador Segi San Julián. Participou en varias publicacións especializadas en banda deseñada e con editoriais francobelgas. Estre os seus traballos máis recentes figura a recuperación do personaxe de 'Esther', con debuxos de Pura Campos, publicado por Glénat. En 2008 presentou A conta atrás, un volume que narra as consecuencias do Prestige en 'flash back', dende o presente ata a vida dos mariñeiros anterior ao desastre ecolóxico.

Tamén é guionista de cinema e televisión, medio este último para o que escribiu máis de douscentos episodios de series. Un dos seus papeis máis destacados neste eido foi o de guionista e presentador, como o doutor TNT, do programa Xabarín Club de Televisión de Galicia, onde tamén traballou como director creativo de promocións.