Xesús Manuel Marcos López
Narrador
Xesús Manuel Marcos posúe varios premio de narrativa tanto de relatos como de novela e é articulista na prensa. A súa obra máis recente é a novela A lúa dos Everglades.
Xesús Manuel Marcos cursou estudos de Dereito na Universidade de Santiago de Compostela e actualmente traballa como funcionario da Administración de Xustiza en Madrid.
Deuse a coñecer como narrador en 1994 co relato “Aliados solitarios” Premio Modesto Rodríguez Figueiredo do Pedrón de Ouro (1994), ao que seguiron o Premio Manuel Murguía do Concello de Arteixo (1994) polos seus relatos “A cela de arame” e “Fuxidos” (publicados no volume Relatos, 1995) e o Premio de Novela Curta do Concello de Marín (1996).
Ten publicados, ademais, a novela En terra perigosa (1996); o libro de relatos Terra queimada (1997), que mereceu o Premio de Narración Curta Ricardo Carvalho Calero convocado polo Concello de Ferrol no ano 1995; a novela O brindo de ouro. I. A chamada do brindo (2004), premio Merlín 2004; o libro de relatos Fonte de Esperante (2005) e a novela A lúa dos Everglades (2007), premio Terra de Melide 2007. As súas colaboracións xornalísticas están publicadas en La Voz de Galicia, O Correo Galego, e en El Progreso.