Praza das letras

Naceu en Logrosa-Negreira (A Coruña) no ano 1953. É ilustrador e deseñador gráfico, traballo este último que desenvolve desde o ano 1991 na Deputación da Coruña.

Mantivo desde ben novo unha grande afección polo debuxo e a pintura. No ano 1977 tivo a súa primeira exposición individual de pintura na Coruña e de seguido comezou unha andaina por galerías e certames de artes plásticas, en cidades galegas e españolas.

A partir dos anos 80 compaxina a pintura co deseño gráfico e a ilustración, tanto en libros coma na prensa diaria.

É a partir de 1988 cando centra a súa actividade de ilustrador no campo do libro infantil e xuvenil: ilustra textos de autores galegos e españois en editoriais de aquí e nalgunha de fóra. Entre a literatura infantil e xuvenil e libros para adultos, leva ilustrado arredor dun cento. Revistas especializadas na LIX como CLIJ, Fadamorgana ou Peonza téñense interesado pola súa obra. Fai tamén incursións no mundo da banda deseñada a través da revista Golfiño onde, xunto co autor Xabier P. Docampo, publicou un traballo secuenciado en catro números.

Entre os premios e galardóns que recibiu destacan o Premio F.T.E.N. ao mellor libro de teatro ilustrado en España no ano 2002; o Premio Lecturas na súa cuarta edición no ano 2003, ao ilustrador máis votado polos lectores e lectoras das Bibliotecas galegas, entre toda a produción editorial do ano. Obtivo tamén o Premio Gourmand World Cookbook Awards 2004 ao mellor libro do mundo de Literatura Gastronómica en Lingua Española. Nos anos 2003 e 2005 traballos seus foron seleccionados para a White Ravens da Biblioteca Internacional de Munich.

Algunhas das exposicións en que participou

• Galicia Solidariedade (GALIX – Xunta de Galicia). Itinerante Galicia.

• As cores do vento. Xunta de Galicia. Itinerante Galicia.

• Tercer Centenario de Caperucita Roja. OEPLI (Madrid). Itinerante España.

• El Ratoncito Pérez. OEPLI (Madrid). Itinerante España.

• Salón do Cómic de A Coruña.

• Feira Internacional do Libro Infantil e Xuvenil de Bolonia. Anos 2001, 2002 ,2003 e 2004.

• Bienal Internacional de Bratislava. Anos 2003 e 2007

• Exposición de Ilustración Infantil e Xuvenil española contemporánea en Bolzano, Roma, Nápoles, Venecia, Florencia e Cagliari. Anos 2004-2005.

• Exposición de Ilustrísimos en Bolonia. Ano 2005.

• Exposición Vaidemar, Gálix-Xunta de Galicia. Valencia, Bretaña, Santiago de Compostela, Cambre e Pontevedra

• A Fraga Ilustrada. 23 imaxes para O bosque animado. AGPI. 2007-2008. Biblioteca M. Central de Cambre

• Exposición O Álbum Galego. 25 miradas para unha década. Salón do Libro de Pontevedra e Biblioteca Pública de Santiago. 2008

Selección de libros de literatura infantil e xuvenil que ilustrou

• Amar e outros verbos. Ana María Fernández. Editorial Everest, 2001. Premio Lazarillo 2001

• Cuentos populares españoles de Almodóvar. (Coilustrado). Anaya, 2002

• ¿Onde van as volvoretas no inverno? Gloria Sánchez. Editorial Everest, 2002

• A casa da luz. Xabier P. Docampo. Editorial Anaya, 2002

• Paseniño, paseniño. Antonio García Teijeiro. Editorial Everest, 2003

• Bolboretas. Xabier P. Docampo. Editorial Everest, 2004.Lista White Ravens 2005

• A decisión de Valerio. Xabier P. Docampo. Edicións Bromera, 2005.

• De cores e de amores. Xabier P. Docampo. Editorial Galaxia, 2005.

• Gallego a la orilla del mar. Juan Farias. Fondo de Cultura Económica (México), 2006.

• Botella ao mar. Marilar Aleixandre. Amigos do Museo BB. AA. da Coruña, 2007

• A pequena gardiana. Fina Casalderrey. Amigos do Museo BB. AA. da Coruña, 2007

• Mariña surrealista. Yolanda Castaño. Amigos do Museo BB. AA. da Coruña, 2007

• Chega un Baixel. Suso de Toro. Amigos do Museo BB. AA. da Coruña, 2007