Praza das letras

Cal foi o primeiro libro en galego que liches?
Sei que na escola lera A sombra cazadora de Suso de Toro. Logo, O lapis do carpinteiro de Manuel Rivas.

E un libro que fose especialmente importante na túa vida?
Non está en galego, pero titúlase ¿Quién se ha llevado mi queso? É moi fácil de ler e fala sobre como adaptarnos a un mundo en constante cambio.

Que libro che gustaría ler en galego?
O código Da Vinci, xa traducido, foi un libro que me enganchou moito e que me gustou.

Cal pensas que podería ser un referente para a xente cativa e nova?
Penso que os libros dos Bolechas son moi interesantes para que os cativos lean en galego e á vez coñezan diferentes vilas e cidades.

Que libro pensas que ha de acompañar a túa primavera?
La sombra del viento é un libro que teño desde hai tempo e aínda non lin.

Cal mercarías para o Día das Letras?
Algún libro en galego, pero aínda non decidín cal.

Do teu ámbito deportivo, escollerías algún título?
Piragüismo (I), do Comité Olímpico Español.