Club de lectura Alecrín
O Grupo de Estudos sobre a Condición Da Muller Alecrín é unha asociación feminista sen ánimo de lucro, creada en 1985 e que traballa desde Vigo por promover a total incorporación das mulleres na sociedade e de eliminar os atrancos que limitan a súa plena integración. As tertulias literarias do seu club de lectura poñen o foco na literatura feminina galega e universal. Cada tertulia prepárase de antemán nas "Tardes de lectura", encontros semanais para a lectura colectiva do libro que abordará a vindeira tertulia. Os encontros celébranse os mércores no local de Alecrín.
En 2007, a asociación organizou catro tertulias. As xa celebradas achegáronse á obra completa de María Mariño e a títulos de Rosa Montero e Abha Dawesar. O 28 de novembro, Ana Bringas comentará Las cuatro mujeres que amé, de Tsitsi Dangarembga.
En 2007, a asociación organizou catro tertulias. As xa celebradas achegáronse á obra completa de María Mariño e a títulos de Rosa Montero e Abha Dawesar. O 28 de novembro, Ana Bringas comentará Las cuatro mujeres que amé, de Tsitsi Dangarembga.
-
Club de lectura de Compostela
Ao pouco da súa inauguración, a biblioteca Ánxel Casal contará con dúas modalidades para esta actividade de promoción da lectura: presencial e virtual. -
Lonxa Literaria
Club pioneiro en Galicia, que desde 1999 é motor dun amplo abano de actividades de promoción da lectura no concello de Moaña: xuntanzas cos autores, certames, sesións de contacontos, recitais, obradoiros... -
Clubs de lectura de Pontevedra
A Biblioteca Nodal e o Concello de Pontevedra fan posíbel, mediante este programa, a participación en cinco clubs de lectura a partir de novembro de 2007. -
Literactúa
Programa para a difusión do libro e da lectura en galego do concello de Carballo. Os participantes elixen un libro cada mes e logo reciben o autor ou autora nun café ou taberna da localidade. -
Club Virtual de Lectura da Coruña
Este club non precisa xuntarse nun lugar físico para falar de libros. O seu espazo blog é a súa particular sala de xuntanzas. -
Clubs de lectura das bibliotecas municipais da Coruña
Hai catro clubs de lectura asociados ao sistema bibliotecario, cada un dos cales conta cunha bitácora que mantén o traballo cos libros alén das xuntanzas presenciais. -
Lectores Galegos en Bos Aires
Castelao, Dieste, Blanco Amor, Seoane, Colmeiro e tantos outros xuntábanse ás tardes no bonaerense café Tortoni. Hoxe, este lugar acolle as xuntanzas deste club de lectura dedicado á literatura galega clásica e contemporánea. -
Club de lectura Alecrín
Esta asociación ten un programa de tertulias literarias arredor de títulos extraídos da literatura feminina contemporánea. Cada mércores realiza lecturas colectivas do libro seleccionado. -
Club de lectura de Cerdanyola del Vallès
Asociado ao Centro Galego desta localidade barcelonesa, o club mantén unha actividade estábel desde 2004 nun dos núcleos de emigración galega máis importantes da Península. -
Lemos galego
Club de lectura en rede. Comentarios literarios en 140 caracteres. Esta rede de lectores emprega a ferramenta Twitter para falar das súas lecturas en galego e recomendar literatura escrita no idioma do país.