MERCADO EXTERIOR
Galicia quere ser país convidado da Feira de Guadalajara 2011
26-11-2007
Galicia presentará a súa candidatura para ser o país convidado de aquí a catro anos.
A titular da Consellería de Cultura e Deporte, Ánxela Bulgallo, fixo este anuncio despois de reunirse coa directora da FIL, Nubia Macías, con quen negociou unha maior presenza da literatura galega neste escaparate.
Segundo manifestou a conselleira, a expedición galega na FIL de Guadalajara forma parte dunha estratexia de internacionalización que quere gañar novos mercados para as nosas letras. América é prioridade destes plans de expansión e a feira mexicana pasa por ser unha das principais vías de entrada no continente. Está previsto que, a comezos de 2008, Cultura presente a súa candidatura a país convidado na feira de 2011.
Nubia Macías considerou “moi importante que a cultura galega estea presente en Guadalajara” e asegurou que Galicia pode aspirar con garantías a ser a convidada da seguinte edición. A vindeira cita do libro galego no exterior terá lugar na Feira do Libro da Habana, que se celebrará en febreiro de 2008. Alí, Galicia si comparecerá como cultura convidada.
Segundo manifestou a conselleira, a expedición galega na FIL de Guadalajara forma parte dunha estratexia de internacionalización que quere gañar novos mercados para as nosas letras. América é prioridade destes plans de expansión e a feira mexicana pasa por ser unha das principais vías de entrada no continente. Está previsto que, a comezos de 2008, Cultura presente a súa candidatura a país convidado na feira de 2011.
Nubia Macías considerou “moi importante que a cultura galega estea presente en Guadalajara” e asegurou que Galicia pode aspirar con garantías a ser a convidada da seguinte edición. A vindeira cita do libro galego no exterior terá lugar na Feira do Libro da Habana, que se celebrará en febreiro de 2008. Alí, Galicia si comparecerá como cultura convidada.