CONSELLOS PARA AS PÁXINAS
Ponse en marcha o Consello Asesor do Libro
28-09-2007
A publicación no Diario Oficial de Galicia do Decreto que o regula deu onte inicio á actividade do Consello Asesor do Libro. Este organismo, composto por quince representantes da administración e dos diferentes ámbitos deste sector, desenvolverá estudos e accións para difundir esta industria cultural, tal e como está previsto na Lei do Libro.
A primeira xuntanza desenvolverase antes de fin de ano, e entre as primeiras tarefas está organizar o Congreso do Libro Galego e preparar a Axenda do Libro.