Praza das letras

No Día Internacional da Tradución 2006 soubemos da próxima publicación en internet de dez obras da iteratura universal, proxecto polo que pula a Asociación de Tradutores, a mesma que leva xa anos traballando para posibilitarnos o acceso a outras culturas, sen termos que mudar de lingua nin ir á libraría, desde bivir.com. Poderemos ler A illa misteriosa de Jules Verne, Lord Jim de Joseph Conrad, Salambó de Gustave Flaubert, O demo no corpo de Raymond Radiguet, The Jacket de Jack London e unha selección de literatura rusa con nomes como Dostoievski, Tolstoi ou Pushkin.