Praza das letras

A difusión internacional do libro galego ao longo de 2007 ten unha primeira cita coa Feira do Libro da Habana en febreiro, Feira en que Galicia será, en 2008, a invitada de honra. En Latinoamérica a nosa produción editorial será presentada ademais nos encontros de Bos Aires e en Guadalaxara en México. A edición e a literatura galega acudirán un ano máis ás feiras europeas de Boloña, Francfurt e ao Liber que terá lugar en Barcelona no outono do 2007.