Praza das letras

Raiolas no faiado contén unha serie de relatos habitados por personaxes de toda laia e con varios puntos en común. Todos eles transcorren na engaiolante terra de Trasdomonte. O narrador é un neno de escola que conta como pasa a vida ao seu carón e dá a coñecer aos seus protagonistas, desde o mestre ata o cura que salva á xente durante a Guerra Civil Española.

Francisco Rozados emprega unha narración herdeira do imaxinario popular e da tradición oral, que lembra á escrita dalgún clásico da nosa literatura como Ánxel Fole, Rafael Dieste ou Álvaro Cunqueiro.