Praza das letras

Logo do volume de relatos Cabilia, o economista Marcelino Fernández Mallo presenta a súa primeira novela, A trenza, acompañado da poeta Yolanda Castaño e de Alejandro Diéguez, de Ézado Edicións. A publicación d'A trenza supón a estrea da colección de literatura galega desta editora con sede en Santiago de Compostela e en Madrid.

A novela trata a tumultuosa traxectoria vital do seu protagonista, Mario Quintela, cuxa vida como funcionario eficiente e esposo amante parece estar condenada á tranquila felicidade típica dunha familia galega de clase media.