Camilo Nogueira presenta dous libros sobre Galicia e Europa
Fundación Caixa Galicia, Santiago de Compostela
20:30
20:30
- MAI 08
"Galiza na unión. A porta atlántica" e "Europa, o continente pensado" son os títulos dos dous novos ensaios do político vigués. As dúas obras están editadas pola editorial Galaxia, polo que o autor estará acompañado no acto de presentación polo director xeral desta entidade, Víctor F. Freixanes.
Galiza na unión analiza a significación que ten para o país o proxecto europeísta. Segundo Nogueira a sociedade galega respondeu dun xeito admirábel, dispoñendo dunha singular estrutura produtiva, con múltiples actividades económicas que encabezan as do Estado español.
Europa, o continente pensado fai un percorrido pola construción da Unión Europea, dende os primeiros tratados do carbón e o aceiro ata a actualidade. Nogueira aborda a creación da UE como unha institución orixinal que revoluciona o carácter dos Estados que integra e que se enfronta hoxe en día ao pleno recoñecemento da diversidade nacional.