Darío Xohán Cabana, vello amigo de Xosé María Álvarez Blázquez e compañeiro de viaxe nalgúns episodios da súa andaina editorial, pronunciará hoxe a conferencia titulada "A miña lembranza de Xosé María Álvarez Blázquez". Trátase da actividade inaugural do ciclo que complementa a exposición 'A palabra e os días. Homenaxe a Xosé María Álvarez Blázquez', que se pode visitar desde o 21 de abril até o 25 de maio na Casa Galega da Cultura de Vigo (Praza da Princesa, 2). Despois da conferencia terá lugar un recital poético a cargo dos fillos de Xosé María Álvarez Blázquez.
O ciclo abrangue tamén as seguintes conferencias:
Martes 29 de Abril
Sabino Torres: "Emilio e Xosé María Álvarez Blázquez na colección Benito Soto".
Martes 6 de Maio
Víctor F. Freixanes: "Xosé María Álvarez Blázquez, editor".
Martes 20 de Maio
Pilar Barciela: "Xosé María Álvarez Blázquez, arqueólogo".