XIV Premio de poesía González Garcés
Deputación da Coruña
14:00
14:00
- ABR 15
A Deputación da Coruña convoca este certame, dotado con 6.500 euros mais publicación da obra. Poderá optar ao premio calquera persoa de calquera nacionalidade, que presente obra inédita e non premiada con anterioridade, escrita en lingua galega, agás quen xa levase o premio en edicións anteriores. Estabelécese un premio único e indivisíbel dotado con 6.500 €. A Deputación publicará a obra premiada, reservándose durante un prazo de dezaoito meses os dereitos de editala, e entregará ao gañador trinta exemplares.
As obras serán de tema libre, terán unha extensión non menor de trescentos versos e presentaranse por quintuplicado, en exemplares separados, en tamaño DIN A4, por unha soa cara, numerados, grampados ou encadernados. Presentaranse baixo un título e un lema, achegados de plica na que conste o título e o lema no seu exterior e contendo no interior o nome e apelidos do autor, o seu enderezo, nacionalidade e número de teléfono.
O prazo de admisión de orixinais remata o día 15 de abril de 2008 e deberán enviarse á Deputación da Coruña, Avda. Alférez Provisional 2, 15006 A Coruña, indicando no sobre “XIV Premio de poesía Miguel González Garcés”.
O prazo de admisión de orixinais remata o día 15 de abril de 2008 e deberán enviarse á Deputación da Coruña, Avda. Alférez Provisional 2, 15006 A Coruña, indicando no sobre “XIV Premio de poesía Miguel González Garcés”.