Praza das letras

A primeira achega de Rosa Aneiros á literatura para os máis cativos chámase Os ourizos cachos e o gran río gris, foi ilustrado por Rodrigo Chao e xa está na rúa. Un rato na casa é, en troques, un máis dos moitos títulos de LIX que leva asinados Helena Villar Janeiro. Os debuxos son de Mª Fe Quesada. Ambos os libros saen editados na colección Árbore-Os Duros de Galaxia.

Rosa Aneiros e Helena Villar estarán este serán na Feira do Libro de Compostela para presentaren os novos libros, acompañadas de Xosé Antón Neira Cruz, director das coleccións infantís e xuvenís de Galaxia.