Praza das letras

Fin de século en Palestina é o froito dos cinco anos que o escritor e xornalista lugués permaneceu aló, enviado polas Nacións Unidas. Este texto autobiográfico, que agora nace da man de Galaxia, constitúe "un relato auténtico, tenro, en parte tráxico e mesmo ás veces humorístico da vida nun país cheo de cor e de violencia", segundo a súa presentación editorial.

Manuel Rivas e Víctor Freixanes acompañarán a Miguel Anxo Murado no acto de presentación da nova obra, ás 20.00h na Feira do Libro da Alameda compostelá.