Praza das letras

As Pontes contará desde agora cunha publicación exclusivamente dedicada á historia e o patrimonio locais. O primeiro número da Revista de Estudos Locais das Pontes contén textos de investigación asinados por membros de HUME, ademais das achegas colleitadas nas catro xornadas de estudos históricos celebradas pola asociación. Na presentación, que terá lugar a partir das 20.00h na Biblioteca Municipal das Pontes (Avenida de Castelao, s/n), intervirán o profesor Carlos Breixo e mais o presidente de HUME, Xavier Martínez.