Praza das letras

Do 30 de marzo ao 5 de abril os alumnos dos centros educativos de Oleiros, así como os seus pais e nais e o público en xeral, poderán desfrutar dunha serie de actividades programadas para fomentar o seu interese polo libro e a lectura. As Semanas do libro e da lectura teñen o mar como tema deste ano, o mesmo que o Salón do Libro Infantil e Xuvenil de Pontevedra, do que están sendo continuadoras.

Logo de Oleiros, este programa de fomento da lectura viaxará por outros nove concellos galegos até xaneiro de 2009: Viveiro, Carballo, Monforte, Tui, Allariz, O Porriño, Moaña, Noia e Barbadás.