Praza das letras

Na pasada edición, Miguelanxo Prado foi premiado en recoñecemento á súa traxectoria profesional; David Rubín recibiu o premio Joseph Toutain ao mellor autor revelación grazas a A tetería do oso malaio, obra coa que tamén fora nominado nas categorías de mellor debuxo, mellor guión e mellor obra; finalmente, o colectivo Polaqia obtivo o galardón ao mellor fanzine polo seu Barsowia.

O gran momento da banda deseñada galega fai que este sexa un dos espazos de obrigada visita na XXVI edición do Salón barcelonés. A ampla representación do mundo da ilustración de Galicia adquirirá un protagonismo aínda maior grazas á mostra antolóxica de David Rubín que instalará a organización da feira.