Praza das letras

Ademais de contar coa participación dalgúns dos nosos creadores e creadoras de referencia no terreo da literatura infantil e xuvenil -a máis lida e traducida das letras galegas-, a Dirección Xeral de Creación e Difusión Cultural presentará en Boloña unha antoloxía de narrativa especificamente editada para a feira.

A expedición galega ofrecerá tamén un monográfico en inglés da revista Letras de Galicia que debuxa con detalle o panorama actual e os plans inmediatos do sector da literatura infantil e xuvenil galega. Este ano, a feira boloñesa elixiu Arxentina como convidada de honra.