Praza das letras

Fernando Moreiras, autor da recente tradución d'A aurora boreal de Philip Pullman, editada por Faktoría K e novela recentemente levada a cinema, achegarase ao traballo de tradutor cos participantes no Obradoiro de escritura para adolescentes organizado nesta biblioteca.

Esta experiencia comezou o pasado mes de novembro e nela participan trece rapaces e rapazas de 12 a 18 anos, que puideron coñecer autores como Miguelanxo Prado ou Lino Braxe. As clases maxistrais programadas para abril, maio e xuño serán impartidas por Xesús Fraga, escritor e xornalista, un autor dramático e un guionista de cinema aínda por confirmar.